Boqortooyada Ingiriiska ayaa ku baaqday in madaxda Dowladda Federaalka ee Soomaaliya iyo Golaha Mustaqbalka (SFC) ay isu tanaasulaan oo sii wadaan wadahadalka.
Dowladda Ingiriiska waxay muujisay inay ka xun tahay isfahan la’aanta labada dhinac, iyada oo caddeyneysa inay taageerayso dadaallada lagu xallinayo arrimaha taagan.
Bayaan kasoo baxay safaaradda Ingiriiska ee Muqdisho ayaa lagu yiri: "Waa wax laga xumaado in weli la isku afgaran waayo shirkii DFS iyo SFC ee Muqdisho. Boqortooyada Ingiriiska oo ay weheliyaan la-hawlgalayaasheeda, waxay sii wadi doonaan taageerada dadaallada wax looga qabanayo arrimaha taagan."
"Waxaan la xiriirnay dhammaan dhinacyada, waxaana ku boorrinay in la isu tanaasulo oo la sii wado wadahadalka," ayaa lagu yiri bayaan-ka.
Boqortooyada Ingiriiska waxay soo dhawaysay shirkii dhexmaray Dowladda Federaalka ee Soomaaliya iyo SFC ee Muqdisho, inkasta oo ay muujisay inay ka xun tahay in weli aysan la gaarin is-afgarad. Ingiriisku, oo la wehelinayo la-hawlgalayaashiisa, wuxuu sii wadi doonaa taageerada dadaallada wax looga qabanayo arrimaha weli taagan. Safaaradda Ingiriiska ee Muqdisho ayaa xaqiijisay inay xiriir la leeyihiin dhammaan dhinacyada, waxayna ku boorrinayaan in la isu tanaasulo oo wadahadalka la sii wado.
Salafia Media
.jpg)
0 Comments